( أفكرك )
افكرك افكرك باللي إتعاهدنا عليه
سلمتلك قلبي ومضيت لك عليه
غدرت بيه ولعبت بيه
ولا قلتلك كلمة ولا إزاي ولا ليه
ياللي خلفت وعدك وعامل ناسي
وجرحت قلبي وروحي وإحساسي
من غير ما تتكلم هجرتني
دنا كنت فاكرك إنت أهلي وناسي
كام مرة تغضب وانا اللي أتحايل
والف مرة تكدب وأقولك هايل
وأداري دمعي في عيوني
وادامك اضحك وأدلع وأتمايل
وقال إيه إيه الناس بيحسدوني
وما يعرفوش إنهم بيجرحوني
معذورين من فرحتي وضحكتي
بداري دموعي عشان ما يلوموني
الشاعر
( جمال رمضان )
.png)
.png)
ليست هناك تعليقات:
إرسال تعليق