زجل قصيد باللهجة العامية اللبنانية
تجار الدم
يا خي تعى من عُلاك وشوف
عابواب جنوبك جيوش الغزاة ألوف
ما خلو عا أرضك بشر ولا حجر
هَجروا شعبك وذبحوا الطفاله بالسيوف
يا خي يبست قلوب البشر
عم يرقصوا عالحن الموت والدفوف
وحكام العقل من راسها هجر
تاجروا بدم شعبك كرمال الألوف
اشتقلك جنوبي يا بسمة قمر
والشجر مشتاق ترجعلوا الضيوف
والحجر مشتاق يرجع ينغمر
بعطفك وحنانك ووجهك يشوف
إرجع وشيل عن جنوبي الخطر
شق اللحد يا خي وقوم
بسيفك بأرض المجد والعز طوف
بقلم الأديب والشاعر يوشع علي إسماعيل
.png)
.png)
ليست هناك تعليقات:
إرسال تعليق