كل اللى فات
...................
كل اللى فات اتنسي
والحلو عدى وراح
تاهت ليالى الفرح
واتلونت بجراح
حتى القلوب الصافيه
ماشيه ومش عارفه
وماعدشي بنا سماح
راح فين زمن الموده
كانت الطباع عنوان
ساكنه قلوب حلوه
كان الفرح بستان
يطرح زهور المرح
فى ملامح الانسان
ليه كل ده اختفي
وجوه منا حنان
دلوقت غاب القمر
وغاب معاه احساس
لاعدنا زى زمان
ولا ناسنا هى الناس
ماعدشى ليها سكن
ولا عاد مكانها مكان
على شحاته سليم
.png)
.png)
ليست هناك تعليقات:
إرسال تعليق