( طيور الغرام )
قولوا للطير إللي طاير فوق في العلالي
يا يعلمني أطير زييه يا يسيبني في حالي
أنا ضيعت سنين في هواه وبتمناه
ولا مني عايش وياه ولا حتى القلب خالي
ليه يشغلني بنظرة عين ويصبرني بمراسيل
وبيحرمني وأنا اروح فين ما يعلمني اطير
أنا ضيعت سنين من عمري في هواه
مش معقول أني أعيش باقي عمري له أسير
روحوا فهموه ييجي ويعيش على الأرض معايا
روحوا كلموه لو رافض يبقى كده كفاية
أنا ضاع من عمري سنين في هواه
و لسة باقي عليه كان أملي ولسة منايا
روحوا كلموه آه أو لأ يرسيني على بر
وبلاش يستغل جماله ودلاله وعليا يتغر
مقدرش اضيع عمر تاني في هواه
أنا ما اقدرش اكمل لازم ارسي على بر
الشاعر
( جمال رمضان )
.png)
.png)
ليست هناك تعليقات:
إرسال تعليق