( حبك حكاية)
يا إللي كنت السبب في إبتسامتي
والنهاردة حبك عجب وإنت نهايتي
أدعي عليك وألا ادعيلك
اسكت وألا أقول وأحكي حكايتي
كدبت عليا ياما وقلتلي بهواك
وأنا إللي صدقتك ومشيت وراك
وبقيت أنا زي خيالك
مطرح ما تمشي تلقاني معاك
هنت عليك إزاي ونسيت إللي كان
هو إللي بينا ما كانش حب وغرام
كنت بتوهمني بحبك وألا
كان أحلام وألا إيه وألا كان اوهام
وإزاي اواجه قلبي إزاي واقوله إيه
اقوله إنك بتحبه يعني أكدب عليه
وألا اقوله الحقيقة وأصدمه
أنا هقوله الصراحة إنك مش ليه
الشاعر
( جمال رمضان )
.png)
.png)
ليست هناك تعليقات:
إرسال تعليق