ياسين مصطفى بكري يكتب... قلبي يخفق

 *****(( قَلبي خَفَق ))*****

قَلبي خَفَق وعرِفت شو بَدُه

بدُه يشوف عُيونِك الحِلوين

ما يوم وَقَف شيء في دَربه

إلا سِحِر عَينَيك والخَدين

لما سِهِر للفَجر شو ذنبُه

في بَحر حُبك غارق من سنين

قَلبي خَفَق والشوق بِشِدُه

لما العِشِق نادى بشهر تشرين

قَلبي خَفَق يتراقَص بدَمُه

وشاف الكُحُل مزين الطَرفين

من سنين بِعزِف عاوتر حبُه

لما العين بتِلتِقي بالعين

شاف السما وإدعى لربُه

إنه الهوى يِجَمِع القَلبين

والقلب صار العُطر يشمُه

لما يعانِق زهرة الياسمين

..بقلمي..ياسين مصطفى بكري......