بعصر الحضارة
والتطور
الجهل عنا بيتطّور
رجّال تعذب
ت يعلم ولادو
حفر بالصخر ت يبني
بالعلم امجادو
تدينّ وما بيعرف
غير الله ظروفو
نام بلا اكل جوعان
ومن برد الايام
اخد نصيبو
الكتمان كان حيلتو
صابر على الايام
ت يخلص ابنو
تعليمو
صار ختيار وما عاد
في ياكل كل شي بدو
بيشوف الحلو
وما في ياكلو
السكري منعو
ومن ضغط الايام
صار عندو ضغط
بقلبو
بيقول بكرا بيكبر ابني
وبكون من حرماني
عمرتلو
بغفلة من العمر
الحرامية بيسرقوا فرحتو
ومش بس الفرحة
مالو كمان
وبيشردوا ولادو
والمال بيصير لعبة بأيد
ولادهم الكسلانين
بيسفروهم
وهني على السكر
والعربده دايرين
كل ولاد حكامنا بالغرب
عايشين
عم يصرفوا اموالنا
متحدين
يا ريت سرقوا
ت يتعلموا وينهضوا
بهل البلد المسكين
سرقوا ت يكرسوا الزعران
في بلادنا ومش مهتمين
هيك مات الختيار
وابنه ما كفى علمو
وضاعت القضية
بجيوب المسؤولين
هيك عملوا حكامنا بلبنان
بلاد العنفوان
بقلمي
ريما خالد حلواني
.png)
.png)
ليست هناك تعليقات:
إرسال تعليق