همسة من همساتي بقلمي ...شو بتخسر..؟

 شو بتخسر؟؟

**********

بنومي حلمتك متل الطير

صوبي جاي..وقلبي ناطر

توصل عندي وتهمسلي

اشتاقتلك..من نومي صحيت

وما لقيتك بوراقي..حرقت

بيدر احلامي؛قلي من فراقي :

شو ربحت ؟حرام عليك تخيب أمالي

بتسرق مني حالك سرقة..

وسكين الفرقى بتذبحني..

شو بتخسر لو تبعث ورقة

عليها كلمة وهمسة..؟

تفرفحلي جنينة افكاري؛

وبقلبي بتقتل جمرة ناري

وشمس نهاري ترجع تشرق..

من جديد

دخلك شو صابك عني ما بتسال؟

ولما بجرب صدق حالي ؛

نسيت ورح شيلك من بالي

بترجع مع حروفي وقلمي وهمساتي

بتمر من شباك افكاري..

ومن عيون الدمع عاخدودي

ومتل خيالي بتظل مرافقني

**بقلمي**

**هيام علامة**