(.حب القمر )
لو يفيد بس الندم كنت حكيت
ولو دموع الألم تنفع كنت بكيت
راح اللي راح من عمري
لا حكيت ولا بكيت ولا نسيت
حبيت انا قمر لكنه كان عالي
والقلب رق بجد وإنشغل بالي
من غير كلام من غير سلام
بقيت أنا شاعر وبلحن الموال
جرحني جرح لكن مالوش نهاية
عايش معايا اللحظة من جواية
أحكي نجوم الليل والسحب
يردوا عليا ويقولولي بس كفاية
أعرف منين إن القمر له وش تاني
يخون ويجرح ويخليني أعاني
زي القمر ييجي الصباح يختفي
مش قادر انساه لكن هو بينساني
الشاعر
( جمال رمضان )
ليست هناك تعليقات:
إرسال تعليق