علي مسلم عجمي يكتب...بلقيس وسليمان

 بلقيس و سليمان..

للشاعر د. علي مسلم عجمي

----------------------------------

بلقيس لو زهره بعلاكي مورَّدي

سليمان جاييكي ما فيكي تبعدي

مبيعت رسالة مع الهدهد جامدي

فيقي من الأحلام إصحي و اقعدي

قلبك ..جمالك بالرسالة مقصدي

إنتي و عرشك تعي و لا تترددي

مهما عليتي عرشك و تاجك غِـدي

حكاية عكل لسان دولة مبولدي

و أعلا المناصب حاملة و مـأكدي

و متل الرعد صرتي بقرارك ترعدي

الزهرة لحاجة ماسة لعطر الندي

و العطر مني أنا يا ورود اشهدي

قلبك ما عندو عاطفة صابو صِـدي

رسالة الهدهد من معانيها اهتدي

غرورك سخافة و السخافة بـائدي

تواضعي متلي و بالتواضع اقتدي

سليمان عنو لا تحيدي و تشردي

سليمان يا بلقيس أغلا زمردي

بلقيس لا تخللي فكارك شاردي

هموم و مـآسي و بالغيوم ملبدي

افتحي قلبك للمحبة و اسعدي

زهرة حياتك ليش بدك توئـدي

إنتي معي زهرة بروائح خالدي

ما بتذبلي وراقك بدمي معمدي

بلقيس صللي الحب عندي بمعبدي

شَمِّـري عن ساقك قبل ما تصعدي

و بالنهاية هيك سجلها التاريخ

بدك تجي بمعبد غرامي وتسجدي

الشاعر… د.علي مسلم عجمي

لبنان