دموع الغربة
يا بلاد الغربة
رايح لعندك ولد
ولد مش أيا ولد
ولد مجبول
بعطر روحي
ودم الوتين
مربى بشقا عمري
وسهر الليالي
وبالعلم اعتمد
حتى صار
فخر أيامي
ومن عداد المهندسين
يا غربة ما تقسي
ع مهاجر شب
تارك بلد
بلد مجروح
من ظلم حكامه
وغدر السنين
وأنت يا رجوتي
مهما جسمك
عني ابتعد
بضل نبض قلبي
والله على بعدك
احلا معين
بشفاعة القديس شربل
ل ع دراج محبسته
ركعت وصليت
ونمت الليالي
وقلبك لترابو عبد
يرجعك الله
ل حضن امك
ل قبل ما تحلق
دب فيها الحنين
اوعدني تحافظ ع نفسك
يا روح روحي
مهما تعب الغربة
عليك احتشد
لأنك كل الدني بعيوني
وحلا ايامي
وكنز حياتي الثمين
العدرا مريم ترافقك
يا غلا عمري
واروع إبن
عل الأرض انوجد
وتفرش دروبك
بالورد والفل
والياسمين
يسوع من عنده
يشتي
على نار غربتك برد
ويرجعك
مع كل اهل هالبلد
ع وطنكم سالمين
يا رب احفظ لي ابني
وبارك خطواته
وارزقه رزقا
وراءه اجتهد
رده لي سالما
بشفاعة امنا مريم
وجميع القديسين
أمين
بقلمي
سفيرة السلام
د. ساميا موسى عقيقي
.png)
.png)
ليست هناك تعليقات:
إرسال تعليق