مين الجاني
اسكت يالساني
و اللي جرالنا
من المهرجانات
روكا وشيكا
وحمو بيكا
خبط ورزع
مفيش كلمات
كلمات هابطة
ولها ١٠٠ سكة
فى التكاتك والطرقات
خد لك شمه
فى وسط اللمه
واتعلم كل الحركات
بيقولو فن
دي حاجه تجن
كل دماغ وله شطحات
والاعلام جابهم عالشاشه
لبس مقطع ناقصو غويشه
وبيلبسوا لبس الحريمات
واللي بيقلع
شمسه بتسطع
نمبر ون بقى ابن زوات
ونسينا سومه وورده وحلم
وعبد الوهاب ونسينا نجاة
واللي يغني بأسلوب هابط
والمكياج على وشه حاطط
يقبض دايما بالدولارات
احنا في زمن العجايب
لاصوت ولا لحن ولا كاتب
زمن الفن الراقي مات
(((أسامه جديانه)))
.png)
.png)
ليست هناك تعليقات:
إرسال تعليق