(مش انا)
مش أنا إللي إنتي كنتي بتعرفيه
ولا أنا إللي إنتي بتجبيه وتوديه
رجعت تاني لنفسي بتاع زمان
ورجعلي قلبي إللي إنتي دبحتيه
أنا أعرف ألم جرحي وأداويه
وأعرف ألاقي فرحي لو هشتريه
رجعت تاني لنفسي بتاع زمان
ولا هسيب قلبي لحد يلعب بيه
لو قلبي رق لحد تاني أدوس عليه
ما أنا قلبي دق ليك وجرحته إيه
رجعت تاني لنفسي بتاع زمان
ولا عاوزك يوم تسألني إزاي وليه
ندمان على عشرة سنين وايام
أحسبها إزاي وهو العمر كله كام
رجعت تاني لنفسي بتاع زمان
قبل ما أحبك وأعيش في الأوهام
الشاعر
( جمال رمضان )
.png)
.png)
ليست هناك تعليقات:
إرسال تعليق