( بحبك إنت )
بحب فيك كل حاجة حتى جرحك
وبحبك تغضب علشان بس أصالحك
ما إنت إللي ليا في الدنيا ديا
تأسى وتنسى وغصب عني أسامحك
بس الأسية منك إنت مالهاش حدود
والا إنت بتحب دمعي على الخدود
عشان إنت عندي بالدنيا ديا
بتمنى دايما أفرشلك الدنيا ورود
علشان جمالك إعمل كل ما بدالك
وإبعد براحتك وأنا عليا وصالك
ما إنت إللي ليا في الدنيا ديا
وإشغلني بحبك وما تشغلش بالك
ولا عمري ها أقولك كاني ولا ماني
بس إوعى تبعني عني تاني وتاني
أنا ليا مين غيرك في الدنيا ديا
من غيرك إنت أنا في الدنيا أعاني
الشاعر
( جمال رمضان )
.png)
.png)
ليست هناك تعليقات:
إرسال تعليق