جمال رمضان يكتب... إحترت أنا

( إحترت انا )

لازم اقولك ما بقاش فيا مكان لجروح

من بعدك إنت مافيش امل وطموح

كل اللي فات عايش ما مات

واللي باقيلي منك لا بيتنسي ولا بيروح

بكدب على روحي وأكدب على قلبي

والذنب كان ذنبي أنا اللي بداري واخبي

عايش في أوهام إنه بيهواني

وإني ها أغمض وأفتح والقاه هنا جنبي

وأخرتها إيه يا هوى وأخرتها إيه يا غرام

عليل ومش لاقي الدواء رد وقول يازمان

صبرت عمري كله ولسة ها اصبر تاني

أنا خدت إيه من الغرام غير بس كلام

إحترت أبعد والا اقرب بجد انا محتار

فكرت أنسى والا أجرب أعيش النار

هو الغرام كده وما كنتش اعرف

أفضل أفكر وانكوي وأحلم في عز النهار

الشاعر

( جمال رمضان )