رسالة خوف
إحساسي في بعدك خلاني
تايه وحزين
ومسافة البعد اللي ما بينا
مابقتش ايام. بحسبها سنين
وفراقنا المجروح اشواق
معرفش معاه هياخدنا لفين
..................
ظلمتنا الدنيا وحسدتنا على حبة حب
ولا يوم سألتنا أزاي عايشين
ولا حست إن الحب دا غلب
وان يوم دوقنا لحظه حلاوه
تسقينا مر اللحظه سنين
......................
أنا بغزل دمعي... بحزني..... بهمي
داخل ليلي ونهاري سواد
وبقيت مش أنا
حاسس إن انا انسان غيري
مابقيتش إنسان
أصبحت جماد
مابقاش بيحس
أنا عايش بس
بياخدني فكري لالف طريق
مافيهمش طريق بيبل الريق
غير شوك في الحلق
........................
ودموعي بتروي بلاط السجن
واشتكت الارض
وانعدم احساسي في شم ال
ولا عاد للدنيا لا لون ولا طعم
ولا عاد فيه بعدك سهل وصعب
خايف ياحبيبتي أموت م البعد
........؟................؟.....
أنا الكاس وارسم صورتك جوه الميه
وبخاف المسها تضيع مني
أبكي وابوسها بشوق في عنيه
واصحى من وهمي الاقيني
انا وانتي تايهين من بعض
وبقينا ضايعين. . وبقينا ضايعين
الشاعر بلبل عثمان
.png)
.png)
ليست هناك تعليقات:
إرسال تعليق