أيمن شتا يكتب... شبه جملة

 

#شبه_جملة

#كلمات_ايمن_شتا

انتي بيت من شعري ناقص..

نقصه مني دمعتين..

نقصه حرف نقصه كلمة..

نقصه نقطة وكسرتين..

كسرة للقلب اللي حبك..

كسرة تانية للسنين..

نقصه تشكيل للكلام..

نقصه فعل في اوله..

يقول دا ماضي والسلام..

نقصه جملة مركبة..

وفي آخرها...

مليون علامة استفهام..

انتي بيت من شعري ناقص..

انتي بيت ملوش محل من الكلام..

يمكن خبر..

يمكن تكوني شبة جمله

بس غاب عنها الضمير..

يمكن تكوني نعت ليا..

بس انا جوايا خير..

انتي ظرف معشتهوش..

انتي حرف مشفتهوش..

لما جر قلبي ليكي..

بس انا مفهمتهوش..

انتي بيت من شعري ناقص..

هعربك وسط الكلام..

انتي جملة ضميرها غايب..

....

ايمن شتا