قصيدة بعنوان
دعاء الكروان
مستوحاه من قصة دعاء الكروان للكاتب الكبير أ/ طه حسين
دعاء الكروان
كان دعاؤه لحظة تنبيه
لكل بنت م البنى آدمين
كان بيحكى عن قصة
بنتين من الصعيد جايين
كانوا بيسموهم هنادى وآمنه
الاتنين كانوا بنتين حلوين
دخلوا فى دنيا عجيبه
ماكانتش فى بالهم لاتنين
أما هنادى فكانت فرحانه
بشغلها عند مهندس لائين
كان بيقضى طول وقته
ينهش عرض خدامه م الخدامين
كانت المفروض تبقى عنده أمانه
لكن هو مابيرحم مهما تكون مين
واحده تروح وتيجى التانيه
وأهى هنادى حصلت الباقيين
ودفعت حياتها تمن خسه وندالة
واحد من كثير ظالمين
خلى خطيئتها بقت رقعه
فى توبها وبقت م الساقطين
أما عن أختها آمنه
فــ حلفت ميت يامين
إنها تاخد حقها وكانت صادقه
وبارا بالعهد واليمين
فى دنيا فيها الحق تاه
بين ذئاب فى صورة بنى آدمين
وأخيراً بعد ليالى طويله
كانت فيها آمنه م الصابرين
جابت حق هنادى بخطه
نار بتحرق لو فاكريين
ردو عليا لو سامعين
بعد مازالت الجانى
على أختها هنادى
وديه كانت النهايه
لدعاء دعى بيه الكروان.............!!
بقلـــــــــــمى
الشاعرة جيهان الطنطاوى
.png)
.png)
ليست هناك تعليقات:
إرسال تعليق