ردار الموت.....
روح يابني شوفلي كمامه
تكون حلوه مش لمامه
ماخلاص على الدنيا السلامه
بقينا خلاص بعلامه
والقلوب عليها غمامه
مش فاكره إن فيه قيامه
ياتري علي مين الملامه
علي الدنيا ولاعلي الناس الندامه
الموت يابني علي الرادار
ريحته في كل مكان ودار
مبقاش في الدنيا عمار
ولاصاحب ينفع ولاجار
ارواح وعليها حصار
مين هيجيله ليل ومين يطلع عليه نهار
ياموت عارفينك مينفعش معاك اعذار
بس ليه كده بقيت غدار
بتاخد مننا الصغار قبل الكبار
وفضيت بدري علينا الدار...وسبتنا عايشين في نار
كل يوم بقينا لك في انتظار
ماخلاص مبقاش لك انذار
والطب وقف محتار...مفيش عنده اي قرار.
.
وياريت بعد ده كله عندنا اعتبار
ونفوق ونعرف ان فيه اسرار
ونعمل ليوم جنه فيه او نار
يارب دي حكمتك وعارفنها اعمار
عندك حبايب لنا اكتبهم ابرار
واجعل سكنهم جنه فيها انهار
واكتب لنا لطف في الاقدار
د.محمد حلمي البراجه
.png)
.png)
ليست هناك تعليقات:
إرسال تعليق