ياسين مصطفى بكري يكتب... قطار العمر يمضي

 **(((( قطار العُمُر يَمضي ))))**

قطار العمر يمضي ارحميني

ياما ستنيتك بقلب الدار

سنين مروا عم توعديني

تيجي لعندي حاملة الازهار

كثير حبيتك فضا عيني

والتاج لبستك ورد مع غار

بعيونك الحلوة سحرتيني

وغنيت فيهم اجمل الاشعار

سنين مروا ما اجيتيني

فتشت عنك سائر الاقطار

انت حياتي ليش تنسيني

يا ضاوية عالقلب والاقمار

يا ريت لو بسمة بتهديني

انسى البعد ويقرب المشوار

اسقيني منك كاس وإرويني

وكاس المحبة شربت من خمار

اعطيني من عطرك ورشيني

عطرك عطر ياسمين من عطار

..بقلمي..ياسين مصطفى بكري...