منصور ابوقورة يكتب...أ لدنيا .. مالها ومالى .

 ألدنيا .. مالها ومالى .. ؟! نشر

هى الدنيا ..

مالها ...ومالى ..؟!

مش سيبانى ..

كدا .. ع حالى

دايرة تلف ..

كدا .. حواليا

شاغلة قلبى ..

وكمان .. بالى

بتكيد .. فيا

مع عذالى ..

وانا شايلها ..

من قلبي الخالى

لا كنت ف يوم ..

بفكر فيها

ولا غنيتها ..

ف يوم .. موالى

ولا اهتميت ..

بيها ف لحظة

وقافل بابها ..

كدا .. طوالى

ولما تعدى ...

وعينها ف عينى

تضحك .. ليا

وصوتها يلالى ..

أخبى ... عينيا

بكف .. ايديا

وهى .. واخدة

الأمر ... تسالى

أمشى .. ما ردش

يمكن ... تعقل

وآجى ع خاطرى

أيام .. وليالى

ف يوم قابلتنى

عمالة .. بترقص

ع واحدة ونص

وكعبها .. عالى

عايزانى .. أبص ..

وتشغل .. قلبى

وتسحر .. عقلى

وتقول .. يا جمالى

عملت .. تقيل

من غير تمثيل

وانا قلبى عليل

ورحت ف حالى

قولوا ... للدنيا

تمشي .. ف حالها

هى .. الدنيا ..

مالها ... ومالى .. ؟!

انا عمرى ف يوم

ما بصيت ليها

ولا عايزها ف يوم

تيجى ... ع بالى

الشاعر / منصور ابوقورة