.png)
وانت ماشى فى الطريق
خلى معاك دايما صديق
يفهمك من عنيك
وأيديه دايما ويا ايديك
اوعى يابنى تفرط فيه
هيحطك دايما جوه عنيه
تحلو الدنيا
لما الدنيا بيك تضيق
لما يتوه منك طريق
اوعى تسلم للاحزان
خليك صامد زى زمان
اوعى تقول ده انا جانى جنون
بكره كل الصعب يهون
واضحك للدنيا
لما تلاقى الظلم زاد
والناس زايدة فى العناد
ده ربنا رب العباد
ح يجيب حقق فى الميعاد
تحلو الدنيا
لما تكون عايش غريب
مش عارف عدو من حبيب
وتروح تسأل دايما طبيب
ويقولك ده شىء عجيب
اضحك للدنيا
لما تلاقى الضحك غالى
والعيون تسهر ليالى
ماتفكرش كتير ياغالى
واضحك للدنيا
وانت ماشى فى الطريق
خلى معاك دايما صديق
يفهمك من عنيك
وأيده دايما ويا ايديك
اوعى يابنى تفرط فيه
هيحطك دايما جوه عنيه
تحلو الدنيا
بقلم: ناصر السيد أحمد
.png)
.png)
ليست هناك تعليقات:
إرسال تعليق