سعدي النعيمي يكتب...دنيا مد وجَزْر

 --- دنيا مد وجَزْر ---

دنيا بهل وكت صارت مد وجَزْر

مثل قلوب الناس الما تنحزر

ردت أعلن همومي بالصدر

لكن المن أكول وياهُ اليعتبر

دنيا بهل الوكت ما إلهَ أمان

والناس دوَّخْهَ هذا الزمان

والكل يشكي وبهمه غركان

مو دنيا طلعت --- خان جخان

كالوا خوجه علي مُلا علي

وآني القهر كاتلني ومبتلي

كلما أكلب وضع الصحاب وهلي

لوَنهم على جمر النار تركص الشوملي

-------

همي ردت اغيره واشيله

كلت لقاري الكف يفتح لي خيره

وآني ما عندي فلس بطرك الحصيرَ

هز بيدَ وكال مفلس

ومسوي نفسه شيخ عشيره

-------

كلت خلي أغير حظي بالزواج

والعوانس هواي مثل بيض الدجاج

طريت الديرَ بصحو ومطر وعجاج

تاليه ما حصلت ولا ريشة دجاج

أصَّبرْ الروح وأدك على الراح

الراح من عمري عذاب وراح

وحلفت ما أحتسي كاس الراح

شلي بمحبتك وآني كلبي مليان جراح

لا تنشد عليَّ وتركني للوكت

ولا تكول الأعزَ تركني للوكت

وكت الما بي خير شلي بهيجِ وكت

هم تنعدل دنيانا ويرد ذاك الوكت

أبد ما اصدك بعد

لو يعلكولي العشرَ شمع

سعدي النعيمي