نذير دهان يكتب... الأزمة اللبنانية

 الازمه اللبنانية طالت نرجو من الله أن تعمل كل الطوائف والاحزاب للوفاق والتآخي ويعود لبناننا الحبيب أفضل مماكان

**************************

بعز الليل كنت سهران

شفت القمر عم يبكي

بدمعات عيونو سكران

حاضن نجماتو بيشكي

بيقلن ضاعت لبنان

يقولولو لا لاتبكي

بكره راجعلا نيسان

وجايبلا بعبو ضحكي

*************************

يانيسان الحريه الجايه ع الدرب

هي لبنان الصبيه عم تستناك

بإيدا ورده جوريه وفرحة بالقلب

وع شفافا بسمة سحريه وبتوب ملاك

تقلك شعبي المعتر عايش بالكرب

قللو دخلك ياعالي لايزين بحماك

حن علينا واشملنا بعطفك يارب

ووفق مابين الاخوه خايفين هلاك

وابليس يللي يوسوسلن قللو انضب

واقفين ببابك ياقادر وبنترجاك

تحمي لبنان الغالي بهالزمن الصعب

وتشمل شعبو المعتر بفيض رضاك

****************************

****************************

شعر ؛ نذير دهان