نذير دهان يكتب...العرس

 العرس

********************************

********************************

نوينا ع العرس وجيناكي يافلسطين

العريس م القدس وعروسو من دير ياسين

وشهر العسل والزفه بيافا وغزه

ع دبح الكباش كبرنا هاتوا السكين

*******************************

عريسنا أصيل ومسلسل من ميه وجد

من طبعو نبيل طموحاتو ما الهاحد

لأجل بلادو طول عمرو يشقى ويكد

وعد يبني المستقبل وعلى وعدو أمين

******************************

والا العاروس حوريه بتمشي وتميل

تخطي الخطوه خطوتها ترندح مواويل

إسما عروبه مابترضى بارضا دخيل

بتحمي دارا بدماها م الغدارين

*****************************

ام العريس الست خوله واختو الخنساء

وعمو حمزه اسد الله أبو الشهداء

ويكتب الكتاب محمد أبو الزهراء

يدعي بالنصر ونردد ونقول آمين

****************************

يام الشهيد زغروده طلوا العرسان

زهورن حجار وبقلوبن عزه وايمان

قاموا الافراح وحفروا قبر الاحزان

ويل الغدار أتمرغ وجهو بالطين

***************************

مطربنا غناه بيسكر من غير خمور

زقفه يا شباب ورشولو فل ومنتور

طل العريس بجبينو عم يضوي النور

بين عيونو تصميمك يا صلاح الدين

***************************

صباحية العرس نقضيها بكرمل وخليل

نمرح ياخيي مانبالي بالدم يسيل

إيدي بايدك ياعربي هودجنا نشيل

ونجمع مابين زفتنا وزفة حطين

**************************

**************************

شعر ؛ نذير دهان