احمد جابر سويلم يكتب... وجه رمضان

 -وجه رمضان -----كلمات الشاعر احمد جابر سويلم

وجه رمضان بيسالنا

مين الصايم ومين فاطر

مين اللى لربنا قرب

ومين للحب ويايا هيجرب

ومين على الفقير هيطبطب

ومين بالحب لربنا قلبه هيرطب

ومين فى الخفى يجرى

لباب محتاج عليه يخبط

ومين للفرض هيصونه

ومين للفجر هيصلى

وجه رمضان بيسالنا

افوت وامشى كالعادة

واشيل اعمالكم بزيادة

ومين يفرح ومين يزعل

ومين حسناته بزيادة

ياانس البشر اصحى

سيبك من الحكمة والفصحى

وخلى الخير بزيادة

انا شهرى فى السنه مره

ورب الكون فى ليل ونهار بينادى

وحصالة لفعل الخير معتادة

وحصالة فيها الشر بزيادة

نصيبك فين من الاثنين قولى

وجه رمضان بيسالنا

لفين هتروح فى مشوارك

لليل مجروح فى احزانك

واهل الشر اصحابك وسكانك

انا جيتك ومستنى تقول توبه

وتنوى الحج بنية مقصودة

عارف هترجع تانى تسالنى

منش قادر لكن النية مقصودة

هعيد فىكلامى راح تفهم لو هتسمعنى

صلاتك فى بيت ربنا عبادة