جمال رمضان يكتب... كفاية

 ( كفاية )

وإسألوني عن قلبي هايقولكم

إنه شايف العذاب ألوان منكم

وهو راضي بأي حاجة

ولا إشتكي ولا بكى من جرحكم

بتهجروه ولسة صابر ومستني

ولما يشوفكم يرقصلكم ويغني

أنا قلبي راضي بأي حاجة

بس بلاش البعاد كتير بعيد عني

وإسألوه قلبي على جرح جواه

وإسألوه وإزاي مش لاقي دواه

ها يبكي ويحكي بالدموع

على العمر إللي ضاع وياه ومعاه

وإسألوه على أول مقابلة البداية

شاف الجمال طب وعمل حكاية

بس إنجرح جرح ما بيلمش

لا عارف يرجع ولا يقول كفاية

الشاعر

( جمال رمضان )