ولدى الجدع
أرفع رأسك و أصلب طولك
و دوس على الوجع
وكل ماتعثرت شد حيلك
وأرجع ااقف بعد ماتقع
خليك جدع مهما الحمل
زاد عليك أو الهم أتسع
وواجه مخاطر الحياة
وأصمد مهما الموج أرتفع
أشقى وكل لقمتك بعرق
جبينك عمر الكد ماوجع
اياك تمد ايديك مدت الأيد
ياولدى بتكسر الجدع
كل عيش وملح وبلاه
الحرام من كله عمره ماشبع
وقولى يا حيلى من أعتمد
على نفسه علا وأرتفع
أياك تسلم أمرك لغيرك من
أتكل على غيره ذل وقع
خليك صبور وأعرف أمتى
تتكلم وامتى تبقى مستمع
وابقى حويط وأريب وأعقلها
قبل ماتغلط أو تندفع
أحفظ مقام الكبير و أبقى
متواضع الناس بك تنتفع
وأوعى الغرور ما طار طيرا
وأرتفع الا كما طار وقع
والكدب خيبه ايا كان السبب
قول الحقيقه أوأمتنع.
أبن الأصول الجدع رافع رأسه
عمره مانذل ولا ركع
ده الجدع المفتخر آمال أقول
ازاى عليك أنك جدع
الشاعر / عبد المنعم حمدي رضوان
.png)
.png)
ليست هناك تعليقات:
إرسال تعليق