زجلية
مش كلام ف كلام
كدبة مش حقيقة
ألفاظ مش بريئة
إن العيون الجريئة
تحتار ف السلام
يا شمعة بدنيتي مضيئة
ومشاعر وأحاسيس رقيقة
بحبك ف كل دقيقة
حرام البعد حرام
حبي بيك اكتمل
ما عاد شيء يحتمل
ف عنيكي انتي الأمل
ودارت الأيام
لو انتي فاكرة امبارح
قلبي ع الماضي سامح
وحياة رمشك الجارح
علميني العشق أوام
لازم فيه تفاهم
معانا أو معاهم
وعشاني يلي وياهم
حبيني باحترام
سألتك مليون سؤال
منهم كيف الحال
قلتي ف احتمال
القلب فيه غرام
حكاية قالها لساني
ف زمانك وزماني
يمكن يكون حناني
أنواع وكمان أقسام
أنا لسه والله خايف
من سحر دي الشفايف
لتقول جوال مصايف
وكمان بياع كلام
ليه بتبعدي عني
وقلبك ليه مخاصمني
كان إيه حصل مني
عشان م تردي السلام
الفكر ف وحدة قالي
هتسيبك على طول تملي
وغيرها هتيجي تخلي
صلح بعد خصام
تحية من قلب ضاع
يا خسارة ف دنيا الضياع
دا حبك كان شعاع
بيعلم المكان
ما بالك بقى بقلبي
يا غرامي وكل حبي
محدش حبك قدي
حبك ف القلب وسام
ف حبك خدت قرار
وقلت ف الكلام أسرار
يمكن يكون الجار
اللي يفسر المنام
يا حياتي يلي منهم
نغمة بتجري بينهم
ومخطوط على جبينهم
بيقول الاعتصام
صدقي أنا مش بكدب
قوامك سحره يجذب
متلوميش مكمني بعتب
ده خوف م الأيام
ليه يا قلب تغدر
وتبعد عني وتهجر
بتجرب إن كت أقدر
أسهر وانت تنام
يا حلوه بتجري تعالي
وعليا بلاش تتعالي
دا إنتي حلم الليالي
يا فتاة الأحلام
صدقيني صدق شديد
بحبك وانتي بعيد
وعندي أمل جديد
نتجمع ع الدوام
صدقي قلبي وليد
ف السهد والتنهيد
وطوال عمري المديد
بحبك في هيام
لو تصفحتي كتاب حياتي
لوجدتي فيه مأساتي
بتنافس أغنياتي
وبتكرر الألحان
لو بكره عدى وفات
وقلبي م غدرك مات
ونسيتي حروف كلمات
افتكري الأحلام
ومش كلام ف كلام
عاطف رمزي سلمان
ج - م - ع
وبذلك أختم معكم ديوانين
ديوان الأغاني ( صبرك يا دنيا )
ديوان الحب ( إليك حبيبتي )
لنبدأ مع بعض بإذن الله المجموعة القصصية
( جرح لا يلتئم )
أتمنى من الله أن تحوز إعجابكم ولكم جزيل الشكر على المتابعة والتعليقات التي كانت على قدر ما هي جميلة على قدر ما هي ذات دافع وتحفيز تحياتي لكم بدوام الصحة والعافية والرقي والإبداع
عاطف رمزي سلمان في جرح لا يلتئم
جمهورية مصر العربية - محافظة البحيرة - مركز ومدينة دمنهور باختصار ج - م - ع
.png)
.png)
ليست هناك تعليقات:
إرسال تعليق