حسن محمد علي...يكتب. بدون_جراحه

 #بدون_جراحه

.....

دمعه بتنزل على ورد الخد

بالحب ترويه

وحبيب مُخلص وقت الجد

سند تلاقيه

..

دمعه بتنزل من عين القلب مكسوره

حزينه عليه

ومن غدر الحبيب عايشه مقهوره

من كُتر بلاويه

..

وبين دمعه ودمعه

بتمشي الحياه

وبين كلمه وكلمه

فرح وأه

..

دمعه من كلمه بتنزل

فرحانه بترقص

ودمعه من كلمه بتنزل

حُزنها ما بيخلص

..

وفي مشوار الحياه بنلبس كل الألوان

وكله بيبقي لايق

وطعم الدمعه ع الوش بيبان

في ثواني مش دقايق

..

غريبه أوي الدموع

في الفرح والجرح معانا

بصمت أو صوت مسموع

دايماً ملازمانا

..

فكر في دموعك في حياتك

هتلاقيها بتحس بيك

معاك في إبتسامتك وأهاتك

دايماً بتخفف عليك

..

ومين بعد الدموع

ماحسش براحه

دي علاج للذهن والضلوع

بدون جراحه

..

مفيش دموع تمثيل

شكراً للدموع

عالم صادق وجميل

انتهي الموضوع

.....

#بدوون_جراحه

حسن محمد علي