بأحبك وإنت مش دارى
"""""""""""""""""""""""""""""""
لحد إمتى أفضل أدارى
وأحبك وإنت مش دارى
قلبى بيقولى مش قادر
يدارى هواه عنك
وهواه المرة دى قادر
*****
لا أنا قادره ألمحلك
وإنت ساكن فيه
ولا قادره أصرحلك
وإنت حاسس بيه
ولحد إمتى أفضل أدارى
وأحبك وإنت مش دارى
*****
أشوفك عينى بتابعك
وتمشى وراك
وفى ميعاد جيتك
روحى تستناك
مشغوله وبالى مش مرتاح
ومش قادره أبوح بهواك
عشان أرتاح
ولحد إمتى أفضل أدارى
وأحبك وإنت مش دارى
*****
مليت عليا أيامى
وبقيت كل أحلامى
وخايفه عليك لتنسانى
وتسيبنى ويا أحزانى
تزيد فى هواك نارى
فى حبك وإنت مش دارى
*****
تغيب عنى وقلبى معاك
تضيع منى وأنا بأهواك
ولحد إمتى أفضل أدارى
وأحبك وإنت مش دارى
******
شعر/سيد فتح الله
من ديوان
حب من طرف واحد
.png)
.png)
ليست هناك تعليقات:
إرسال تعليق