أنا إنسان
ما بين الذكري و النسيان
ما بين الطاعة و العصيان
ما بين الفرح و الأحزان
و طول الصبر ع الحرمان
ما نسيتش إن أنا إنسان
و عايش لسه مع الماضي و أهل زمان
باوزع فرح و أمل و حنان
و باهدي الحِلم الوردي للشقيان
بارسم للناس أمل بُكره و شوقي طوفان
و قلبي كما سفينة نوح و مجدافي حنين و إيمان
و رحلة بدأت مع آدم و حرب اللي بدأها شيطان
و عهد قطعته علي نفسي في عالم الذر للرحمن
إني أكون مسلم دستوري السنة و القرءان
و مهما دار الزمان بينا راجعين للواحد الديان
و تتحقق أمانينا بحب الله و نبينا نعيش في أمان
و باصرخ بعلو الصوت يا عالم أنا إنسان
✨️
د.ياسر الشريف
.png)
.png)
ليست هناك تعليقات:
إرسال تعليق