.png)
... ماشوفتش الطفل البرئ .....
انا بذكر الله الاحد
لكل عاصى وملتحد
ماشوفتش الطفل البرىء
لما غرق لما سجد
الدنيا هاجت كلها
صرخـت وذادت وهمها
على طفل مات مننا
لسه يدوب عمره اتولد
مش هو اطهر دمنا
كام طفـل زيه اتقتل
والكل ناسى او سكت
فى بلادى كله مستباح
سواء لبنت او ولد
قتلوا الطفوله بشعبنا
قتلوا وتاجروا بدمنا
داسوا الشهامه بارضنا
ويكبرو ويهدموا حتى المساجد
وقت الصلاه ع اللى سجـد
وينادوا احنا المسلمين
والكل كافر ملتحد
***
ببورما حرقوا المسلمين
ومفيش حمار منهم نهق
ببورما ناس ملهمش دين
اما بسوريا المسلمه
الكل هاج كله نطق
بيقتلوا حتى الحريم
ويولعوا كل الشجر
ويكبروا ربك كريم
وهم اوسخ م البقر
ولسه برضوا بيقتلوا ويكبروا
الله اكبر مات العدو او رقد
ومايعرفوش باننا
اسلامنا اكبر مننا
ولا عمره قال اقتل اخوك
ولا حتى كافر ملتحد
اخد الامان يجى هنا
وسمحنا يدخل بالبلد
انا بذكر الله الاحد
لكل عاصى وملتحد
مشوفتش الطفل البرئ
لما غرق لما سجد
***
قال الرسول
متطلبوش حق الامير
ولاتطلبوا الحق بإماره
والوضع مش شكل وكلام
ولا هى تاجره او شطاره
الا ان منعكم م العباده
وقبلها صلوا استخاره
الكل خالف النبى
والكل طالب بالإماره
حتى الحرامى بالبلد
واللى سكن جوه المغاره
جم ببلادنا المسلمه
وقالولنا كل الحكم كافر
اما السلاح بعته أوباما النبى
وبنيامين صاحب الحوافر
اما الهمج المتأسلمين
بيقتلوا بالمسلمين هدوا العماره
ويكبروا ويدبحوا ومفكرين
بانهم اخر شطاره
والرعب ساد كل البلاد
ساب الشعوب ارضه ودياره
واللى ممتش من الرصاص
قام مات بموجه صغيره
اكله السمك جوه الشكاره
انا بذكر الله الاحد
لكل عاصى وملتحد
مشوفتش الطفل البرئ
لما غرق لما سجد
ياا ميت خساره
............ احمد عامر .............
ننوه ان ماينشر حق فكرى مسجل بالهيئات المنوطه بذلك 0012/20015 س م ب
.png)
.png)
ليست هناك تعليقات:
إرسال تعليق