كرم ميخائيل يكتب... إحساس جديد

  إحساس جديد *

*إحساس جديد

إحساس يطير

فوق السحاب

توصل حدودة للسما

*بجناح بطير

أنا طيرة عايشة

وف هواك

جواه بحس بالدفا

*احساسي بيك

ما يتوصفش

وما تخلقلوش الكلام

*جاتني المعاني

ولا عرفتش

توصف وتحكي

ليك غرام

*قلت أفضل السكوت

لا الكلام جواه يموت

أجمل معاني

الحب فيك

*قلت أسيب

مشاعري توصف

تحكي حب

حقيقي ليك

*من غير كلام

انت الامل

انت الوجود

انت اللي فيك

بلا حدود

قلبي بيعشق

*وانت الحقيقه

الثابته فيا

وانت الكلام

الحلو ليا

بشعاعه

بتدفى عينيا

لما نور

شمسه بتشرق

*أجمل معاني

الحب فيك

حبي مضللاه عينيك

انت الحياه

واللي بيك

بتنفس الحب البريء

*إروي زماني

من الحنان

أبدره نور

يطرح أمان

خليك سند للزمان

خليني فيك

أعيش جريء

*ياحب ساكن المعاني

انت الوجود للأماني

وأنا بعدك إنت

لو ثواني

إحساس يموت

*أنا نبته بيك

تطرح خضار

أنا ضحكه بيك

تنسى المرار

أنا ليلي يطرح

نور نهار

لما هواك

عليه يفوت

#كرم ميخائيل