أشرف محمد السيد يكتب .... موااااويل

 ( موااااويل )

( عامية مصرية )

يا ليلي يا عيني يا ليلي يايايا عين

......... ......... ...........

(موالي لما إبتدي ع الكل بيسلم ..

مسلم مسيحي رضا راضي وبيسلم ..

موالي صاحب هدف في الكل بيعلم)

.......................................

(البدر لما إكتمل نور الحبيب هادي..

مهما الأمور عاندتك خدها على الهادي ..

صلي يا زين ع النبي المصطفي الهادي ..)

..........................................

(صاحب الأصيل ينفعك في الديقة والزنقة ..

الدنيا ليها العجب قبل الفرج زنقة ...

الفقري ساب الفضا واخد على الزنقة ..)

...........................................

(يا قافل البيباب والشباك متسيب ..

باصص علي الجيران ورمش العين متسيب ..

حافظ علي الاخلاق وللورعان ماتسيب..)

...........................................

(إبن الاُصول إن خَطب ساعدوا وعديلوا ..

للشهم وابن البلد ساعد وعاديلوا..

دلدول يجيب الغلط إضرب على ديلوا ..)

.........................................

(الندل مهما عِلِي ناقص ومُش زايد ..

والجاحد إللي إنحرف واطي وبيزايد ..

فقران ويوم ما إتغي عَزِل على زايد ...)

........................................

(أعرج ومن حُرقتوا عَكِز على ولية ..

بَياع ف سوق الغنم ركز على اللية ..

كبش وقرنوا إتقطم قام فاكروا حولية ..)

........................................

(أخد الحقوق حرفنة والكل مش معصوم ..

عاصم وبندلعوا لجل الفلوس عصوم ..

والكرش مهما عِلي ينزل بحبس وصوم ..)

...........................................

(جَهَّز يا واد الغدا عَشي وحَليلوا ..

الكرش زاد وإتنفخ عَلَّق مَحاليلوا ..

عيان وخد غيتوا واقف على حيلوا ..)

...........................................

(كاس المرار والهنا داير ومش سايب ..

الكل لية حصتوا شَاطر وكان خايب ..

معيوب ومن وكستوا ناقص وبيعايب ..)

..........................................

(إعمل حساب العشا حافظ على فلوسك ..

قشاش ومن سرعتوا ف الزحمة هيلوشك....

وإللي يدوق نعمتك شاكرك وهيبوسك ...)

..........................................

(الصبر زي الألم شُوربة وما فيش لحمة ..

والفقر حوجة وعدم قاسي ومفيش رحمة..

عايش ومات وإندفن ف الزيطة والزحمة ..)

.........................................

(لو الظرف عندتك كافح وغوص فيها..

والحلوة لو حبتك صونها وكفيها..

السعد وعد ورطب باين ف كفيها)

........................................

ألفين صلاة ع النبي زيد النبي صلي

نور الحبيب النبي شافي ويوصلي

الذكر فيه كهربا بالحب توصلي

........................................

(مُرحبْ بشيخ العرب الكل بيعوزوا..

قاعد فى صلح وطرب لاوي كدا بوزوا ..

فشار ومن لبختوا رجلوا علي كوزوا..)

.......................................

(طبلة ورماها الهوى قامت كدا تزمر..

والناى حزين يشتكي ودماغوا متسمر..

والدنيا فيها العجب مشوي ومتحمر..)

................. بقلمي /.............

أشرف محمد السيد