.png)
(عهد عليا)
عهد عليا اشيلك دايماً جوه عنيا
بس اوعدني بالحنيه
واوعي في يوم تغدر بيا
او تزعل مني وتقسي عليا
ما دُمت حبيبي ماتعذبنيش
ومادمت شاريني.ماتخسرنيش
اوعاك تتغير وتحيرني
أو تخاصمني وتسهرني
انت حبيبي اوعاك تتغير
ولا من طيبتي يوم تتحير
عاوزك تعرف اني هَنَاك
وسعادة قلبي تبقي معاك
مش هتلاقي زي حناني
بس إوعاك يوم تنساني
إتقل واتدلل ماانت حبيبي
ومهما تغيب عني إنت نصيبي
بس لاتلوعني وقلبي شاريك
أو تبعد عني ونفسي أرضيك
ما انت احلامي وكل أمآلي
وانت الدنيا بالنسبالي
إسمع قلبي شوف إيه بيقولك
حبيتك موت الله يجازيك
وعاشق روحك و هيمان بيك
ولما تغيب عنه إسمع منه
وافهم معني عتابه ليك
شاري ودك وصاين عهدك
نفسه تحبه أد مابيحبك
علشان مايدوقش أبداً ظلمك
لاتحيرني ولاتشغلني واوعاك تنسي يوم وعدي
ولا تعذبني وتخليني أسهر وحدي
وعشان ماتشوفش أبداً ضعفي
تعالي نجدد علي طول حبنا
وما نضيعش أوقات فرحنا
وقدام عنينا يكون حلمنا
ياريت ياحبيبي ماتظلمنيش
وبيني وبينك شك مافيش
مش عاوزك يوم تبقي أناني
ولا تكون يوم سبب احزاني
خواطر (اشرف الدغيدي)
حقوق النشر محفوظه
.png)
.png)
ليست هناك تعليقات:
إرسال تعليق