اشرف الدغيدي يكتب...مش بإيدنا

 ( مش بإيدنا )

مش بإيدينا جينا دنيتنا

ولابإيدينا نختار قسمتنا

ولا بإيدينا نختار اهالينا

ونصيبنا هو اللي بيتحكم فينا

مش هنغير يوم مكتوب

ولاهنزود يوم مقسوم

خلقنا المولي ومعانا رزقنا

وأكيد كلنا مش زي بعضنا

لحكمه عارفها كتير ربنا

واللي إنكتب خلآص انكتب

حِكمه وعنده من غير سبب

نفضل ليه عايشين في هموم

وعلي لسانا علي طول اللوم

ولما نلوم هنلوم مين

هنلوم الدنيا اللي ظلمتنا

ولاَّ الأيام اللي بتسرق فرحتنا

ولاَّ حبايب راحوا لغيرنا

ماكنوش لينا ولا هُما نصيبنا

ولاَّ نصيبنا اللي ماكان علي بالنا

وعيشنا معاهم لآخر مشوارنا

دنيا وبيديرها رب الكون

وعلينا دايماً هو حنون

وعشان نعيش أيامنا في راحه

نفهم دنيتنا ياناس بصراحه

دنيا فانيه ما ليها أمان

والل متغطي بيها عريان

اوعاك تظلم يابن الناس

وخلي الحق والعدل أساس

واوعاك تاكل حق لغيرك

وتتعذب علشان غيرك

دآ العمر بيجري زي الريح

واللي بيتبقي بيبقي تاريخ.

يايكون أبيض يايكون إسود

هتكون سيرته بين الناس

أما الشاطر فيكي يادنيا

يعيش ايامك زي ماهيا

أصل ايامك بتعدي أوام

ولكل واحد فينا أوآن

وآخرتها بنعرف إنك أوهام

خواطر (اشرف الدغيدي)

حقوق النشر محفوظة