.png)
حاجه غريبه
أما الدنيا دى حاجة غريبة
والله أنا منها فى حاله مريبه
قالوا دى فيها عجايب سبعه
وهى فى ذاتها أهم عجيبه
ناس مظلومه وناس فيها ظالمه
ناس مضروبه وناس ضريبه
قيمتك قرشك خطأك منسى
لو راح تدفع أغلى ضريبه
أما الدنيا دى حاجة غريبة
دنيا ماتستناش على حال
ساعه بتضحك عشره كئيبه
لو حقانى تعيش منبوذ
أصل الحق ده أكبر عيبه
لو شرانى وعنده نفوذ
كل بعيده هاتبقى قريبه
زمن القوه تساوي المال
أما الضعف يساوى الطيبه
أما الدنيا دى حاجة غريبة
والناس فيها وجوه مسكات
تضحكلك وقلوبها لهيبه
لما تقابلك بالأحضان
تبقى بترسم لك فى مصيبه
وأدى جمالات هى وعدلات
بيحكوا حكاية ست رتيبه
سايب حالك ليه وبتنقض
أحوال غيرك أما دى غيبه
أما الدنيا دى حاجة غريبة
دنيا دنيه صحيح وغروره
مابقاش فيها مكان للطيبه
أبكى عليه وعلى أحوالها
ولا البكى على حالها ده خيبه
لو تفهما والله تبيعها
أصل الآخره ساعتها قريبه
لو تتأمل قوى أفعالها
هاتقول فعلا
حاجه غريبه
أشعار،،، دعاء البطل
.png)
.png)
ليست هناك تعليقات:
إرسال تعليق