قصيده بعنوان "هروب"
شعر سعيد حمدى
ازاى هاقولك وداع
وكيف يبقى الرحيل
وانا بهرب من عنيكى
والاقيقى.. فى حلمى بناديكى
يبقى الوداع مستحيل
★★★★★
مهما دمع عيونى يثور
وينزل على خدى قنايا
انتى الساكنه جوايا
لفك مابين مهجتى
ومدارى عنك دمعتى
ولما شوق البعاد يزيد
لمسة كفوفك تكون دوايا
★★★★★
يا ام العيون العفيه
رموشهم اتحكموا فيه
خدوا قلبى وعصروه
توهوه فى بحور حنين
ومش طايل معديه
★★★★★
قبل ما اشوفك
وتجرحنى رموشك
كنت اقوى الفرسان
اربعين سنه ..وانا
واقف فى الميدان
لا هزمنى حب..
ولا رجفنى حنان
ما هزني إلا رمشك
النايم ع الخد نعسان
★★★★★
شعر "سعيد حمدى"
.png)
.png)
ليست هناك تعليقات:
إرسال تعليق