أحمد جابر سويلم يكتب.... سجينة القصر

 سجينة القصر----------كلمات الشاعر احمد جابر سويلم

انا كنت بحلم يكون فارس احلامى

ساكن فى قصر وقصر فى مكان خالى

واركب معاه مهرته عالقصر طوالى

تحلى معاه دنيتى وهو يحلالى

والدنيا تضحك وانا لبسى توب سندسى

منقوش عليه النجوم وقمرى فى وسطهم بيلالى

انا كنت بحلم وحلمى كان عالى

وفى يوم لقيت فارس بيسالنى عن حالى

انا قلبى سعتها انقبض وكسوفى جرانى

اتاريه ورايه بمهرته على ابويا طوالى

وفى ليله تمت خطبتى والكل هنانى

وعشت اجمل فرحتى واتحققت احلامى

وعشت اجمل خيال شفته فى احلامى

والدنيا ضحكت عليا واتاريها لهيانى

ودخلت جوا القصر اطوى فى احزانى

خدام كتير وحشم دقو طبول الفرح

وهموم الدنيا غرقتنى فى احزانى

واحترت بين فرح اعيشه ولااعيش فى احزانى

وبعد شهر وانا فى الاقصر سمعت دقة طبول تانى

سالت الخدم قالو الامير جايب عروسه من تانى

انا تهت وتاهت دنيتى واتبددت احلامى

وبقيت سجينه فى قصر رسمته باحلامى

وفيوم صحيت مالفزع اتريه كابوس جانى

انا قلت توبه يانفسى اطلع بحلمى فى العالى