كان زمان
كانت الدار زمان اوضتين
والتلفزيون يادوب قناتين
والناس حلوه مش بوشين
والكلمه واحده مش كلمتين
والادب بنظره من العين
واللي كان حداه حتي قيراطين
كان يفرق علي جاره ولوبصلتين
اللقمه الواحده تكفي اتنين
والهدمه يلبسها جسدين
وكوباية اللبن تنقسم علي دارين
حتي المرض كان بيروح من حبيتين
واللي يفرح نقعد معاه شهرين
واللي يموت نزعل عليه سنتين
لحد ماوصلنا لسنة الفين
الدار بقت خلاص دورين
فيها بدل التلفزيون شاشتين
والاخين يادوب جارين
وتملي تلاقيهم متخاصمين
واللبن بيتباع في قزازتين
والصاحب تمنه قرشين
من بعض بنتقلب علي الجانبين
والمريض بقا عايز معجزتين
واللي يموت نزعل عليه ساعتين
وننساه بكتيره بعد يومين
واللي معاه نقول جاب منين
كل حلو خلاص بقي شين
وياتري بعده هنروح علي فين
د.محمد حلمي البراجه
.png)
.png)
ليست هناك تعليقات:
إرسال تعليق