حليم هاني يكتب...الكاس

 الكاس...

الكاس بكزدر على الشفاف...

بيقطف من جمال الحمرة...

وما بينسى انو زجاج شفاف...

مر على نسوان بالعشق حرة...

الكاس للشفاف حفّاف...

بكل رشفة بيمرق مرة...

بدوق طعمة الحفاف...

وبيدلق خمرة بالثغرة...

الكاس للقلب كيّاف...

بيتعبى من القنينة والجرة...

بحول الأعزب نداف...

والعاشق بيشربو حسرة...

الكاس بالمهنة كشاف...

عندو قوة وخبرة...

للعقل فارس سياف...

بيفهم بأسرار الخمرة...

الكاس للإنسان ولّاف...

متل آدم وحوا والثمرة...

منفوخ بنفس عساف...

مصنوع من رمل وجمرة...

*

***حليم هاني ***