د.علي مسلم عجمي يكتب...بغار

  بغار )..للشاعر د. علي مسلم عجمي

----------------------

بغار من نسمة هوا بكير

تلعب بشعرك عندما تفيقي

و بغار من عطر الورد تا يطير

يشمك على السكيت.. و تضيقي

و بغار لما جوقة عصافير

تعزف بإذنك لحن إغريقي

و بغار من كلمات بالتعبير

تدغدغ شفافك قصد تشويقي

و بغار من شرشف من الكشمير

يحضنك.. الشرشف أبد ما تطيقي

و من مخدة بغار منها كتير

خدودك تلامسها و أنا المشتاق

و شو حيلتي و شو بعد بدو يصير

إلا الغيرة و حلم ما بينطاق

و بين الغفا و الصحو و التفكير

إيدي عخـدي و إبلع بْـريقي

و بغار من نور الصبح ليطير

يشوفك قبل مني و أنا غافي

و من الشال بغار منو كتير

يلتف حول متاف هفهافي

و بغار من فنجان قهوة يصير

يلامس شفافك بالمدى القافي

و بغار لما النحل صار يطير

و بدو من شفافك عسل صافي

بغار لما بزحمة الأحلام

تكوني برؤية حلم علقاني

و بغار لما عالهدا الأنسام

تداعب خِصَل شعرك و تنساني

و لولا الغفا جَـرَّب معاكي ينام

و إنتي براحة بال غفياني

بغار منو و بحكمو إعدام

وحدك غفاكي بين أحضاني

الشاعر… د . علي مسلم عجمي

لبنان