الجوهري عبد الله يكتب....أنياب الشوق

 الجوهري عبد الله

انياب الشوق..

الشوق غلاب

وله انياب

وبيعور

اقول مشتاق

يرد الشوق

يقول اكتر

حنينى اليه

مايتقدر

فى هواه مغلوب

مش عارف اتوب

ولا ف غيره

قادر افكر

كل الدروب

سكةمحبوب

من دايرة حبه

مافيش مهرب

مكتوب علينا..

ومتقدر

بيعمل في

ميت ملعوب

ويبيتنى..

ليالى مغلوب

ومتكدر

حنينى اليه..

وقلبى عليه

وهو ليه..

بغرامى لعوب

مش زى حالاتى

فى غرامه بدوب

وفايتنى لوحدى

ينام واسهر

ويروح بحكايه..

وييجى بحكايه

مواويله كتير

ف الهوى بتطير

واعذره..على طول

وبصدق..

من غير حتى مافكر

ولو انى ..

عارفه بيتجمل

وهو كذوب

ولكنى..

على عض الشوق

مش بقدر

جوهريات