حسن محمد علي يكتب...قلبي موجوع

 قلبي موجوع

مع ان مفيش دموع

ع الخد باينه

..

كفايه بقي

فراق ولُقي

مع ناس كتير خاينه

..

مشيت مشوار الصبر من أولُة

تعبت خلاص مش قادر أكملُة

.....

في الأول كل الوشوش بريئه

تاخدك تعيش في الجنه معاها

..

يسقط قناع الكدب وتشوف الحقيقه

تلاقيك في نار بكل معناها

..

تُصرُخ

وتعلي الصوت

تُصرُخ

علشان بتموت

....

ولا حد حاسس بيك

دي ناس وحوش في غابه

ومهما تبكي عينيك

وتغني ع الربابه

..

هُما عايشين حياتهم

ولا انت فارق معاهم

دي يا قلبي طبيعتهم

جرح القلوب دولهم

..

تُصبُر

من كُتر الخوف

تُصبُر

وقلبك ملهوف

....

لساعه من زمان

لحبه أمان

من إللي كان قبلهم

..

لسه مأنش الأوان

تسيب المكان

وتفارق ضٍلهم

..

#زنزانتك_لسه_فيها

#حبة_ألم_وجراح

#أيام_وبتقضيها

#وهييجي_يوم_ترتاح

..

إجري

وإفرد جناحاتك

إجري

وعيش حياتك

....

سنين وأديك بتعافر

والحلم مش مستحيل

لكل ليل أخر

وصباحك أبيض جميل

..

إفرح وعيش حياتك

خليك أد التحدي

وإنسي كل إللي فاتك

وهات يدك في يدي

....

أحقق

حلم حلمت بيه

أحقق

كل إللي نفسي فيه

.....

#زنزاانتك

حسن محمد علي