ذكرى باقيه
************
ونلملم الذكرى اللى باقيه
ولسه جاريه فى الوريد
واسألها ليه كات لسه دافيه
واسألها ليه رغم السنسن
ليه لحد دلوقتى عايشه
بتداوى ف القلب الأنين
وبتمسح الدمعه اللى بايته
ونازله ع الخدين تسيل
من إيه وليه ياذكرى خايفه
على قلبى م الحمل التقيل
هى السنين مابقتش كافيه
لو هتمشى طريق طويل
تنسى دقاتها اللى دايبه
وفى السما تقيد قنديل
وشمعه واحده تبقى كافيه
تنور الزمن اللى راح
واللى فيه من ذكرى باقيه
تطيب وتداوى الجراح
والمشاعر اللى صافيه
هترجع وتجيب الزمان
وتعيده تانى من أوله
ويحسسنا بالأمان
اللى كنا بنطلبه
بتبقى عايشه الذكريات
جوه دقات قلبى اللى بايته
وعلى حيطان عمرى اللى فات
والمشاعر اللى فيها دافيه
ماتتنسيش مهما مرت الأيام
جوه منا هتبقى عايشه
ف العمر جامحه من غير لجام
وهتبقى علامه فى العمر راسيه
م/محمد بدوى ابوالعلا
.png)
.png)
ليست هناك تعليقات:
إرسال تعليق