( خونو يا قلبي )
إكدب يا قلبي على اللي خان وإعمل كمان زييه
خليه يغير أوي عليك ويحن يمكن تأثر فيه
خليه يحس بالألم مع الندم
حب غيره وحب تاني وتاني خليه يشوف بعنيه
إشمعنى هو يخون هواك وازاي يقولك إنه معاك
يحط.إيده في ايديك وهو ناوي يغدر ينساك
ويشكي ويبكي بالدموع ودموعه كدابة
ويوعدك الف مرة ومرة ويقولك دايب في هواك
خليه يتعلم العين بالعين والسن كمان بالسن
خليه يتألم ويبكي ويشتكي لكل الناس ويئن
ويندم على خيانته ليك وييجي يبوس إيديك
وتشوف بنفسك ضعفه وهو بيتحايل وبيحن
إنساه ياقلبي وبلاش يشوف تاني تاني حنانك
ولا تخليه يدوق ابدا كلمة حلوة من لسانك
إحرمه من كل حاجة حلوة شافها منك
ده أمر مني ياقلبي مش علشاني ده علشانك
الشاعر
( جمال رمضان )
.png)
.png)
ليست هناك تعليقات:
إرسال تعليق