احمد عامر يكتب.....كمين ابو رفاعى

 .... كمين ابو رفاعى .......

مجد شهيدك

عظم فى بطلك

علم وليدك

الارض عرضك

ادهم شوباشى رص الصفوف

قال النهارده معدش خوف

اثبت ياجندى

دا الارض ارضك

وهى عرضك

هجم الدواعش زى الجراد

برصاص مغطى كتر الرماد

اول بطوله احمد . حسام

قال اجرى ياحمد قاله تمام

دا الارض ارضى

والعرض عرضى اليوم ما انام

وعند ربي هعطى التمام

جريوا برجوله بصدور وعاريه

اتعلقوا بسياره جاريه

ومصفحه للقتل ساريه

قاموا فجروها زاد الغمام

نالوا الشهاده اغلى الرجال

مجد شهيدك

عظم فى بطلك

علم وليدك

دالارض عرضك

تانى بطوله ابن الشوباشى

قائد بطوله عالى الشواشي

قاله يمينك انهض ياعبده

اليوم اوانك لاخوك وسانده

هجم البطل قتل الدواعش

بقوا يسقطوا زى الحمام

مع ان جنبه مليان رصاص

هاجم ودافع ولا مره نام

نال الشهاده ولربه قام

مجد شهيدك

عظم فى بطلك

علم وليدك

دالارض عرضك

وإبن الشوباشى الدم حامى

هاجم الدواعش جوه المبانى

20 خروف دبح الشوباشي

والدم سايل زى السراب

يكتم جروحه بحفنة تراب

والحوض مفتت عم الخراب

مجد شهيدك

عظم فى بطلك

علم وليدك

دالارض عرضك

هرب الدواعش زى الفيران

مات الكلاب مليوا المكان

دول جند مصر

ابطال زمنا

يانفوز بنصر

يانموت ماكنا

مفيش هروب وقت الحروب

واحنا الجنود ابطال زمنا

نهين عدانا وماحد هانا

وعظيمه مصر وتحيا مصر

مابين جيرانا

مجد شهيدك

عظم فى بطلك

علم وليدك

دالارض عرضك

وادهم شوباشى اهو لسه عايش

مش كوم تراب ولا كوم أزايز

ومقلش اهرب ولا هو عايز

نظم كتيبته يمكن يعود

دافع لبلده

لما سألته رايح لسينا

قالى اكيد ومقلش جايز

باقى 8 جوه الكمين

وماتوا 7 ماتوا لمين

ماتوا لبلدى ودم ولدى

صان الشباب صان العجايز

ولسه خونه بتخون بلادهم

بتهين ولادهم بتهين رئيسهم

علشان جنيه وحبة برايز

مجد شهيدك

عظم فى بطلك

علم وليدك

دالارض عرضك

.......... احمد عامر ...........

ننوه ان ماينشر حق مسجل بالهيئات المنوطه بذلك 1230/2022 س م ب