جمال رمضان يكتب... نسيتهم

 ( نسبتهم )

طبعا فيه ناس نسيتهم

طبعا من بعد ما حبيتهم

كانوا عندي حاجة تانية

وكنت عامل قلبي بيتهم

ولا ندمان على عشرة فاتت

ماتت زي ما أي حاجة ماتت

من ظلمهم ومن عندهم

بقوا ماضي بقوا ذكري كانت

بس أنا عمري ضاع ببلاش

على ناس أصلا ما بتسواش

كنت ليهم بر أمان وحنان

لكن الحب عليهم ما عداش

أنا نسيت ولا ناوي رجوع

أنا ما بقاش عندي دموع

ها أعيش ومن غيرهم

من غير ألم من غير وجوع

الشاعر

( جمال رمضان )