جمال رمضان يكتب.. مش أنا

( مش أنا )

مش انا اللي انتي كنتي بتتمنيه

ولا انا اللي إنتي ممكن تبكي عليه

أنا مابعرفش أحب أنا مجروح

انا قلب مات وخدت العزاء فيه

إتعلمت الأسوة من حبيبي الأولاني

اللي حبيته وخاني وراح ورماني

وحلفت أكون آسي مع الحب

إبعدي أحسن انتي معاية ها تعاني

بلاش بلاش تكوني إنتي الضحية

اللي شفته كتير وما كانش شوية

عاوز عمر فوق عمري

علشان أنسى كل اللي حصل ليا

إبعدي وروحي وعيشي كل حياتك

خايف عليكي مني قسوتي وحياتك

انا خلاص عشت حياتي

عيشي وإبدأي سنين في ذكرياتك

الشاعر

( جمال رمضان )